close
  • Mitt program

MITT PROGRAM

FILMLISTE
KALENDER
Klikk på en visning for å se alternative tidspunkt

The Dance of Reality

Etter 23 år gjer den gale, men geniale Alejandro Jodorowsky endeleg comeback med denne allegorien over sine eigne formative år som jødisk flyktning i ein lutfattig chilensk gruveby, og det i sedvanleg stil: som før kan du forvente det uforventa sett gjennom draumeaktige surrealistiske briller. Denne filmen opnar i sirkusomgjevnader, og det er som ei programerklæring for det som kjem seinare. Ikkje bli overraska når du her får servert lemlesta dvergar, ein skrullete buddhist, kommunistar, anarkistar, ødipuskompleks, ein Stalin-elskande far og ei mor som teken ut av ein Wagner-opera. Filmen er eit overflødigheitshorn av det absurde, det teatralske, det karnivaleske og det glorete fargesprakande, men den klarar mesterstykket å samstundes vere ein meditasjon over religion, politikk, identitet og livet som berre Jodorowsky kan. Sjølv om det kan verke som den sprikar i alle retningar, klarar han å flette dette saman til ein heilskap. Riktignok ein film som ikkje kan eller bør lesast etter eit tradisjonelt filmmønster, men heller sjåast på som ein visjon og psykomagisk terapi. Jodorowsky er nemleg ikkje snau og har forkasta psykoanalysen til fordel for sin eigen psykomagi som er meir inspirert av eit jungiansk univers av arketypar, referansar og symbol enn av Freud. Ved hjelp av fabelens og mytologiens univers lagar so Jodorowsky denne filmen for å forsone seg med sin eigen barndom. Og det er ikkje berre uttrykket som er psykomagisk, Jodorowsky har casta sin eigen son som sin autoritetselskande far i filmen og han dukkar sjølv opp som sin eigen skytsengel i fleire scener på eit anna plan enn filmens handlingsplan. Jodorowsky oppsummer filmen i eigne ord: «Folk seier eg er gal. Eg er ikkje gal, eg freistar å hele mi sjel.» gil 

Denne filmen har aldersgrense 15 år.

No for tida er Jodorowsky kanskje betre kjend for sine teikneseriar og tarot enn som filmregissør, men på 70-talet var han den psykospirituelle filmens mester. John Lennon var overbegeistra etter å ha sett El Topo og overtalte manageren sin til å delfinansiere oppfølgjaren The Holy Mountain som var eit kosmos i seg sjølv. I hans eigne ord: «I ask of cinema what most North Americans ask of psychedelic drugs.»

Møt Jodorowsky til regissørsamtale: 

The Dance of Reality, 16. oktober kl. 20.00, Filmens Hus
The Holy Mountain, 17. oktober kl. 20.30, Filmens Hus
Serieteket, 18. oktober kl. 14.00, Deichmanske Grünerløkka 

Chile 2013
Regissør Alejandro JODOROWSKY
Manus Alejandro JODOROWSKY
Fotograf Jean-Marie DREUJOU
Skuespillere Brontis JODOROWSKY, Pamela FLORES, Jeremias HERSKOVITS
Produsent Moisés COSÍO, Alejandro JODOROWSKY, Michel SEYDOUX
Produksjonsselskap Caméra One, Le Soleil Films
Salg The Festival Agency
Språk Spansk
Undertekst Engelsk
Visningsformat DCP
Spilletid 130 min
Seksjon International Competition, Director's Special Portrait, Latin America
Genre Drama Biography