close
  • Mitt program

MITT PROGRAM

FILMLISTE
KALENDER
Klikk på en visning for å se alternative tidspunkt

The Owners

The Owners er ein svart komedie om ein ung familie i pengenød og som derfor må oppgje bustaden i Almaty. Heldigvis har dei arva eit hus på landsbygda av mora, men likevel oppstår det problem då dei finn ut at det allereie bur nokon der med mektige vener som brukar maktapparatet til fordel for seg sjølve og sine. Dermed startar ein kamp med veldig dårlege odds mot ein allianse av byråkratiet og bygdefolket der ein ikkje kjem langt med å følgje reglar eller vere føyeleg, inga enkel sak for to tenåringsgutar og ei epileptisk veslesøster.

Om no temaet er mørkt og viser til relevante problem i dagens Kasakhstan er dette likevel ein lystig film, ei mørk tragi-komedie om du vil, med aner mot brørne Kaurismäki. Nokre har jamvel våga beskrive filmen som Leningrad Cowboys møter Borat, men då har ein utelatt nokre absurde dansenummer verdige Tsai Ming-liang i The Wayward Cloud.

The Owners er ei slags nyinnspeling av Yerzhanov sine to filmar av fjoråret, Stroiteli og Ukkili kamshat. Sjølv om historia meir eller mindre er den same er det tre forskjellige filmar med kvar sine særpreg og stilar. gil 

Adilkhan Yerzhanov (f. 1982) studerte regi ved det nasjonale kunstakademiet i Kasakhstan og fekk deretter stipend for å framhalde opplæringa i New York. Allereie i 1999 hausta han lovord for dei fyrste kasakhstanske animasjonsseriane Kozy-Korpesh og Bayan-Sulu. Den fyrste filmen hans Rieltor (2011) var nominert til beste film ved Dubai internasjonale filmfestival. 

Kazakhstan 2014
Regissør Adilkhan YERZHANOV
Manus Adilkhan YERZHANOV
Fotograf Yerkinbek PTYRALIYEV
Skuespillere Yerbolat YERZHAN, Aidyn SAKHAMAN, Aliya ZAINALOVA
Produsent Adilkhan YERZHANOV, Olga KHLASHEVA, Serik ABISHEV
Produksjonsselskap Short Brothers LLC
Salg Urban Distribution Int.
Språk Kazakh, russian
Undertekst Engelsk
Visningsformat DCP
Spilletid 93 min
Seksjon Focus Georgia and Kazakhstan, Asia
Genre Drama Comedy